谭咏麟（谭校长）率领的“老六兄弟”，是于明星足球队中选取成员卫志豪、莫家淦、张智轩、潘梓锋、罗钧满和伍伟乐组成，昨日（11日）六位成员精神奕奕拉队现身电台，接受由薛家燕、范振锋、思敏主持的《开心大派对》节目录音访问，而在访问中途，谭校长突袭惊喜现身录音室，令到全场惊喜大叫，整个录音室都笑声不绝；访问将于本周六（15日），下午3-4时于《开心大派对》节目内播出。

谭咏麟、薛家燕、范振锋、思敏与“老六兄弟”明星足球队。(公关提供)

谭校长为力撑“老六兄弟”不惜大玩惊喜现身，家燕姐问谭校长为何特别提携这班年青人？阿伦笑言：“我冇睇好佢哋，佢哋系靠自己，将自己化腐朽成形。（所以畀机会佢哋？）我哋（明星足球队）每次出外都有个环节与众同乐，同啲球迷一齐唱吓歌，成日唱《万水千山总是情》，咁不如揾只歌可以又唱又跳。（唱你啲歌？）梗系要唱我啲歌！哈哈！”

谭校长为力撑“老六兄弟”不惜大玩惊喜现身。(公关提供)

至于何以有“老六”成员出现？谭校长直指因为众人不怕蚀底，他称：“呢个圈都系咁，成班人食饭期间，要有人唱歌搞吓气氛，佢哋一个个行出嚟，又唱得唔错，所以唔怕蚀底就有着数。”

何以有“老六”成员出现？谭校长直指因为众人不怕蚀底。(公关提供)

早前传出谭校长和老友陈百祥（阿叻）因明星足球队“分家”问题而闹不和，两人亦未就事件作出回应，不过谭校长在节目上多次提起阿叻。当谭校长沾沾自喜有过百首亲自创作的歌曲时，家燕姐笑指要跟谭校长学习，皆因他永远都充满自信，谭校长闻言即谓：“我都系跟阿叻学习，佢系主席，我系会员。”

早前传出谭校长和老友陈百祥（阿叻）因明星足球队“分家”问题而闹不和。(公关提供)

家燕姐又追问谭校长：“听闻明星足球队分咗两队？”谭校长直认不讳：“真系有呢件事，空穴来风必有因。”是否两队作风不同？谭校长也直言：“出面啲人成日都问我系咪同阿叻唔啱？点会唔啱呀？几廿年朋友，唔会为咗呢啲嘢；不过当日睇到新闻条片个心都离一离，惊唔知点答传媒朋友，返到屋企发咗几晚噩梦，仲扎醒。”

谭校长直认真系有呢件事。(公关提供)

谭校长续说：“但其实谂通咗就好简单，都系几样嘢，无论职业、商业、业余都好，全球有咁多华人，个个都识我哋，个饼咁大，点搞都好，只不过依家觉得佢同我哋嘅风格有些少唔同，因为佢比较肉紧啲，我哋比较嬉戏啲，大家睇法唔同；全球咁大，佢想点踢同点睇都得，相信有一日，佢迷途会返嚟，但佢未必迷途，可能佢方向啱都未定，我都希望佢做到自己钟意嘅，其实我哋私底下仲有见面呀，过年都有讲恭喜发财。”